काठमाडौं । देशभर थप ९सय ६८ जनामा कोरोना सङ्क्रमण पुष्टि भएको छ । पछिल्लो २४ घण्टामा ११ हजार ५८२ जनाको आरटी–पीसीआर विधिबाट परीक्षण गर्दा ७ सय ६२ जना र ४ हजार ४६० जनाको एन्टिजेन विधिबाट परीक्षण गर्दा २ सय ६ जनामा गरि जम्मा ९६८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ८ लाख ९१ हजार २२४ पुगेको छ ।

यस्तै पछिल्लो २४ घण्टामा देशभर १ हजार १ सय १४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ७१ हजार ३३८ पुगेको छ ।

यसैगरी पछिल्लो २४ घण्टामा थप ६ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार १८० पुगेको छ ।