गायक सूर्य राई दनुवारको स्वरमा रहेको भजनको म्युजिक भिडियो सार्वजनिक भएको छ । भगवानको भजन गाउँदा अनि सुन्दा मनको बोझ हट्ने चिन्ता, पीडा परपर भाग्ने विश्वास सबै भक्तहरू माझ ठूलो आस्था रहेको हुन्छ ।

चाहे जतिसुकै दुःख कष्टको समयमा पनि मान्छेहरू भक्ति गर्न छोड्दैन मन्दिरमा होस् या घर आगनमा भगवानप्रति आस्था भएपछि मनको शान्ति होस् या आत्मविश्वासको निमित्त पनि पुजा गर्नु नै महान हो ।

साहित्यकार सुरेन्द्र महर्जन ‘अमर’ को रचनामा ‘दिन बित्यो प्रभु, वर्ष बित्यो’ भजनको म्युजिक भिडियो सार्वजनिक भएकोे हो । भजनको संगीत स्वयम् सूर्य राई दनुवारको रहेको छ ।

उक्त भिडियोमा कलाकार प्रमोद चौधरी, बिरेन्द्र साह, मुकेश कुमार साह, राकेश यादव, बिनिता माझी, सन्ध्या माझी, सुनिता माझी आदिको अभिनय रहेको छ । म्युजिक भिडियोको सम्पादन कक्ष बि स्क्वायर मिडियाको तर्फबाट विश्वास भण्डारीबाट गरिएको हो भने भिडियोको निर्देशन रोशन रानामगरद्वारा गरिएको हो । छायाङ्कन-ड्रोन विसाल राज राईको रहेको छ ।

गीतको एरेन्जर सञ्जय हमालले गरेको थियो भने मिक्स÷मास्टरिङ विसन मानन्धरबाट गरिएको थियो । पर्यटकीय क्षेत्र नुनथर, रौतहटको धार्मिक एवम् पर्यटकीय क्षेत्रमा सुटिङ गरिएको थियो । दनुवार कलाकार तथा सांस्कृतिक समाजको प्रस्तुतिमा अमर म्युजिक च्यानलमार्फत् भजन सार्वजनिक भएको हो