काठमाडौँ। चीनले नेपाली भूमि अतिक्रमण गरेको भन्दै लोकतान्त्रिक युवा संघले काठमाडौँमा विरोध प्रदर्शन गरेको छ । हुम्लामा चीनले नेपाली सीमामा अतिक्रमण गरेको भन्दै संघमा आबद्ध नेता-कार्यकर्ताले मंगलबार काठमाडौंको माइतीघर मण्डलामा विरोध प्रदर्शन गरेका हुन् ।

प्रदर्शनमा उत्रिएकाहरुले चीनद्वारा अतिक्रमित नेपाली भूमि फिर्ता गर, हुम्ला जिल्लामा रहेको १२ नम्बर पिलर सार्न पाइँदैन लगायतका प्ले कार्ड प्रदर्शन गरेका थिए । प्रदर्शनका क्रममा उनीहरुले नेपाली भूमि मिच्न पाइदैन भन्दै नाराबाजी समेत गरेका थिए ।

सो पार्टीका युवा नेता कृष्णा सिंहले चीनले नेपाली भूमि फिर्ता नगरुन्जेल विरोध प्रदर्शन जारी राख्ने बताए।