काठमाडौँ। देशभर थप १ हजार ४७८ जनामा कोरोना सङ्क्रमण पुष्टि भएको छ । पछिल्लो २४ घण्टामा ११ हजार ६७ जनाको आरटी–पीसीआर विधिबाट परीक्षण गर्दा १ हजार २५१ जना र २ हजार ८६३ जनाको एन्टिजेन विधिबाट परीक्षण गर्दा २ सय २७ जनामा गरी जम्मा १ हजार ४७८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ८ लाख ७७ हजार ४३७ पुगेको छ ।

यस्तै पछिल्लो २४ घण्टामा देशभर १ हजार ६३० जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ५५ हजार ६३० पुगेको छ ।

पछिल्लो २४ घण्टामा देशभर १३ हजार ९३० जनाको परीक्षण हुँदा हालसम्म कुल ४६ लाख ७२ हजार १७२ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा थप ६ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार ५९ पुगेको छ ।