रौतहट। रौतहटमा स्रोत नखुलेको ३० लाख बढी नेपाली रुपैयाँसहित दुई भारतीय नागरिक पक्राउ परेका छन्। रौतहट परोहा न.पा.९ राम पुरखाप स्थितमा नेपाल भारत सीमामा प्रहरीले चेकजाँच गर्ने क्रममा नेपाल प्रहरीले भारतबाट नेपालतर्फ आइरहेको बि आर ०५ आर ४५२१ नम्बरको भारतीय मोटरसाइकलमा सवार दुई भारतीय नागरिक चालक भारत मोतिहारी जिल्ला घोडासहन बस्ने अन्दाजी वर्ष २२ को बन्टि कुमार कलवार र मोटरसाइकल पछाडि सवार ऐ.ऐ.बस्ने वर्ष २० को सुरज कलवारलाई स्रोत नखुलेको नगद ३० लाख ७६ हजार सहित पक्राउ गरेको हो।

नेपाल तर्फ आइरहेको मोटरसाइकल रोकी चेकजाँच गर्दा उनीहरुले बोकेको नाइनलको झोलामा र उनीहरुको साथबाट सो रकम बरामद भएको प्रहरीले बताएको छ।

प्रहरीका अनुसार स्रोत नखुलेको नगद बरामद गरि मोटरसाइकल सहित उनॆहरुलाइअ नियन्त्रणमा लिएर थप अनुसन्धान भइरहेको छ।