सुनसरी । सुनसरीको धरानको अस्थायी प्रहरी चौकीमा बिहीबार साँझ हतियारसहित आएका स्थानीय युवाको दुई समूहले आक्रमण गरेको छ ।
तरबार, खुकुरी, भालासहित आएको ७-८ जनाको समूहले धरान १५ मा रहेको अस्थायी चौकीका प्रमुख असई सुमन दाहालमाथि आक्रमण गरेको हो ।
घाइते दाहाललाई उपचारका लागि वीपी कोइराला स्वास्थ्य विज्ञान प्रतिष्ठान धरानमा भर्ना गरिएको छ । घटनामा संलग्नको खोजी भइरहेको प्रहरीले जनाएको छ ।
घटना भएको बेला अस्थायी प्रहरी चौकीमा ४ जना प्रहरी मात्रै रहेको बताइएको छ ।