काठमाडौँ। देशभर थप ५ सय ३४ जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो २४ घण्टामा ४ हजार १५२ जनाको कोरोना परीक्षण गरिएकोमा थप ५३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएकोछ। योसँगै नेपालमा संक्रमितको कुल संख्या २ लाख ८२ हजार ५४ पुगेको छ ।

स्वास्थ्य मन्त्रालयका अनुसार आरटी–पीसीआर परीक्षणबाट ४ सय ९० र एन्टिजेन परीक्षणबाट ४४ जना गरी कुल ५ सय ३४ जनामा कोरोना संक्रमण पुष्टि भएको हो ।

यस्तै पछिल्लो २४ घण्टामा देशभर १ सय ५७ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ७४ हजार ६०४ पुगेको छ ।

यसैगरी पछिल्लो २४ घण्टामा थप ५ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ३ हजार ६६ पुगेको छ ।