काठमाडौँ । नेकपा एमालेका वरिष्ठ नेता झलनाथ खनाल र माधवकुमार नेपाल पक्षको राष्ट्रिय कार्यकर्ता भेला शुरु भएकाे छ । ललितपुरकाे सानेपास्थित हेरिटेज गार्डेनमा एमालेका वरिष्ठ नेता झलनाथ खनालको अध्यक्षतामा राष्ट्रिय कार्यकर्ता भेला शुरु भएको हो ।

राष्ट्रिय कार्यकर्ता भेला भाेलिसम्म चल्ने छ । नेकपा एमाले अध्यक्ष केपी शर्मा ओलीले इतर पक्षलाई पेलेर जाने रणनीति अख्तियार गरेपछि खनाल नेपाल समूहले समानान्तर गतिविधि अगाडि बढाएकाे छ ।

ओली पक्षले खनाल नेपाल पक्षकाे भेलामा सहभागी हुनेलाई कारबाहीको चेतावनी दिए पनि देशभरबाट नेता कार्यकर्ताको उल्लेख सहभागिता रहेकाे खनाल – नेपाल पक्षले जनाएको छ ।