काठमाडौँ/

नेपाली काँग्रेस सभापति शेर बहादुर देउवाले आफु प्रधानमन्त्रीको रेसमा नभएको बताएका छन्।

शनिवार बिहान आफ्नै निवास बुढानिलकण्ठमा आयोजित काँग्रेस युवानेता तथा नेविसंघ पुर्व अध्यक्ष नैनसिंह महराद्वारा लिखित पुस्तक ‘महाकाण्ड’ को बिमोचन गर्दै सभापति देउवाले यस्तो बताएका हुन्।

युवानेता महराद्वारा लिखित पुस्तक बिमोचन गर्दै देउवाले भने ‘प्रतिपक्ष वेटीङ् गभर्मेण्ट हो तरपनि प्रतिपक्ष सरकारमा जानु हुदैन भन्नेहरुपनि छन्,अहिले मलाई प्रधानमन्त्री हुने चाहना छैन। म प्रधानमन्त्रीको रेसमा पनि छैन।’

त्यस्तै अर्को एक प्रसंगमा देउवाले अदालतमा विचाराधीन मुद्धामा आन्दोलन गर्नु हुदैन भन्नेकुरामा आफू अहिले पनि स्पष्ट रहेको बताउदै संसदीय व्यवस्थामा अदालतलाई यो गर या त्यो गर भनेर सडकमा आन्दोलन गर्दा व्यवस्था नै नरहने खतरा हुने भएकोले आफू अहिलेपनि त्यसमा दृढ रहेको बताए।

नेपाली काँग्रेसभित्र ओली सरकार हटाएर सरकारमा जाने कि नजाने भन्नेमा बिबाद भइरहेको समयमा सभापति देउवाको यस्तो धारणा बाहिर आएको हो।