अफगानिस्तानको उत्तरी प्रान्तमा भएको हमलामा दर्जनौ लडाकु मारिएका छन् । फर्याबको काइसार र आल्मार जिल्लामा लुकेर बसेका तालिबान लडाकू विरुद्ध सेनाको लडाकू विमानद्वारा गरिएको एक कारबाहीमा परी कम्तीमा २३ तालिबान लडाकू मारिएका सरकारले दावी गरेको हो ।

उत्तरी क्षेत्रका सेनाका प्रवक्ता मोहमद हानीफ रेजाईले बिहीबार बताए । कारबाहीमा तालिबान तर्फका अन्य सात लडाकू घाइते भएका पनि दावी गरिएको छ । फर्याब प्रान्तमा सक्रिय रहेका तालिबान लडाकूले यस विषयमा कुनै टिप्पणी गरेका छैनन् ।