काठमाडौंं । प्रधानमन्त्री केपी शर्मा ओलीसँग नेपालका लागि जापानी राजदूत मासामिची साइगोले बिदाइ भेट गर्नु भएको छ । बुधबार प्रधानमन्त्री निवास बालुवाटारमा बिदाइ भेट गर्नुभएको हो । राजदुत साइगो आफ्नो दुई वर्ष ९ महिनाको कार्यकाल सम्पन्न गरी स्वदेश फर्कन लाग्नुभएको हो ।

भेटमा प्रधानमन्त्रीले राजदूत साइगोकोको कार्यकाल सफल रहेको उल्लेख गर्दै यस अवधिमा नागढुंगा सुरुङ लगायतका विभिन्न कार्यक्रमहरु मार्फत नेपाल र जापानबीचको मैत्री सम्बन्ध थप सदृढ बनाउन खेल्नु भएको भूमिकाका लागि धन्यवाद व्यक्त गर्नुभएको थियो ।

आगामी दिनमा यी दुई घनिष्ट मित्र देशबीच राष्ट्राध्यक्ष तथा सरकारका प्रमुख स्तरको भ्रमण आदान प्रदान हुने अपेक्षासमेत प्रधानमन्त्रीले व्यक्तगर्नुभयो । त्यस्तै राजदूत साइगोले आफ्नो कार्यअवधि भर नेपाल सरकारबाट प्राप्त सहयोगका लागि आभार प्रकट गर्नुभएको थियो ।