• चैत्र २५ २०८१, मंगलवार

पछिल्लो २४ घण्टामा थप ४ सय ३ जनामा कोरोना सङ्क्रमण

पुष २० २०७७, सोमबार

काठमाडौँ। देशभर थप ४ सय ३ जनामा कोरोना सङ्क्रमण पुष्टि भएको छ। देशभर विभिन्न प्रयोगशालामा गरिएको परीक्षणमा पछिल्लो २४ घण्टामा थप ४ सय ३  जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ। योसँगै नेपालमा संक्रमितको कुल संख्या २ लाख ६२ हजार २ सय ६२ पुगेको छ । त्यस्तै देशभर सक्रिय संक्रमितहरुको संख्या ५ हजार २ सय ८९ रहेको छ ।

यस्तै पछिल्लो २४ घण्टामा देशभर ५ सय ९४ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ५५ हजार ८८ पुगेको छ।

यसैगरी पछिल्लो २४ घण्टामा ७ जना संक्रमितको मृत्यु भएको छ। योसँगै नेपालमा कोरोना संक्रमणबाट मृत्यु हुनेको संख्या १ हजार ८ सय ८५ पुगेको मन्त्रालयले जनाएको छ ।