चितवन । मुग्लिन-नारायणगढ सडक खण्ड अवरुद्ध भएको छ । गएराती तुईन खोला नजिकै पहिरो जाँदा सवारी आवागमन दुवैतर्फ अवरुद्ध भएको हो ।

सडक डिभिजन भरतपुरले अत्यावश्यक सवारीसाधनहरूको लागि एकतर्फी संचालनमा ल्याईएको भएपनि पहिरो झर्ने क्रम नरोकिएपछि सुरक्षाको दृष्टिकोणले सवारीसाधनहरूलाई रातिको समयमा सवारीसाधन नचलाउने निर्देशन गरिएको बताएको छ ।

डिभिजनबाट तैनाथ अवस्थामा रहेको २ वटा यान्त्रिक उपकरण प्रयोग गरि आज बिहानैदेखि  पहिरो पन्छाउने कार्य भैरहेको छ । हिजो रातिदेखि सडकमा रोकिएका सवारीसाधनहरू आफ्नो लेन अनुशासनमा रहन सडक डिभिजन भरतपुरले अनुरोध गरेको छ ।