काठमाडौं । स्थानीय बजारमा सुनको मूल्य बिहीबार हालसम्मकै उच्चमा कारोबार भएको छ । सुनको मूल्य तोलामा हजार रुपैयाँले बढेको छ ।

यस दिन छापावाल सुन प्रतितोला एक लाख ३४ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । नेपाली बजारमा यो हालसम्मकै उच्च मूल्य हो ।

केही दिनयता सुनको मूल्यले दैनिक रेकर्ड बनाउँदै आएको छ । बुधबार पनि प्रतितोला एक लाख ३३ हजार रुपैयाँमा कारोबार भएर रेकर्ड बनाएको थियो । सुनको मूल्य बिहीबार त्योभन्दा माथि पुगेर नयाँ रेकर्ड बनाएको हो । आज तेजाबी सुन प्रतितोला एक लाख ३३ हजार ३५० रुपैयाँमा कारोबार भएको छ ।