काठमाडौं । सुनको मूल्यले दैनिक नयाँ उचाई चुमिरहेको छ । यसै क्रममा आज पनि नेपाली बजारमा सुनको मूल्य वृद्धि भएको छ।

नेपाल सुनचाँदी व्यवसायी महासंघका अनुसार आज छापावाला र तेजावी सुनको मूल्य प्रतितोला प्रतितोला १ हजार ५ सय रुपैयाँले वृद्धि भएको हो ।

आज छापावाला सुनको मूल्य प्रतितोला १ लाख २५ हजार रुपैयाँ र तेजावी सुनको मूल्य प्रतितोला १ लाख २४ हजार ४ सय रुपैयाँ पुगेको छ । यो मूल्य महिलेसम्मकै उच्च हो । अघिल्लो दिन सुनको मूल्य प्रतितोला ५ सयले वृद्धि भएको थियो । त्यसदिन छापावाला सुनको मूल्य प्रतितोला १ लाख २३ हजार ५ सय रुपैयाँ र तेजावी सुनको मूल्य प्रतितोला १ लाख २२ हजार ९ सय रुपैयाँ पुगेको थियो ।