बुटवल । भैरहवामा रहेका पूर्वराजा ज्ञानेन्द्र शाहले भारतको बहराइचस्थित शिद्धनाथ मन्दिरका महामण्डलेश्वर रवि गिरीजी महाराजसँग भेटेका छन् ।

भैरहवास्थित होटल सिद्धार्थ इन्टरनेसनलमा पुगेर भारतीय बाबाले पूर्वराजा शाहलाई भेटेका हुन् । भेटमा बाबाले नेपालमा हिन्दु राज्य र राजतन्त्र पुनःस्थापनाका लागि शुभकामना दिएका थिए ।

हिन्दु राज्य र राजतन्त्र पुनःस्थापनाका लागि पूर्वराजा शाहले तराई–मधेसका राजावादीसँग भेटघाट गरिरहेका छन् । केही दिनअघि भैरहवा पुगेका उनी केही दिन त्यहीँ रहने कार्यक्रम रहेको उनको सचिवालयले जनाएको छ ।

भैरहवा पुग्दा पूर्वराजा शाहलाई राप्रपा कार्यकर्ता र राजावादी समूहले तामझामसहित स्वागत गरेका थिए ।