काठमाडौं । प्रमुख प्रतिपक्षी दल नेकपा (एमाले)ले वैशाख ३० गते हुने स्थानीय निर्वाचनमा गण्डकी र लुम्बिनी प्रदेशका सांसदलाई टिकट नदिने भएको छ ।

गण्डकी र लुम्बिनी प्रदेशमा सरकार परिवर्तन हुने सम्भावनालाई मध्यनजर गरी एमालले स्थानीय निर्वाचनमा ती प्रदेशका उम्मेद्वार नबनाउने निर्णय गरेको हो ।

एमालेको बिहीबार बसेको सचिवालय बैठकको निर्णयबारे जानकारी दिँदै एमाले उपमहासचिव एवं प्रचार विभाग प्रमुख पृथ्वीसुब्बा गुरुङले यस्तो जानकारी दिए ।

उपमहासचिव गुरुङले जानकारी दिएअनुसार आज शुक्रबार स्थानीय निर्वाचन २०७९ को लागि घोषणापत्र सार्वजनिक गरिँदै छ भने भोलि शनिबार ६ वटा महानगरपालिका र ११ वटा उपमहानगरपालिकाको लागि प्रमुख र उपप्रमुखको उम्मेद्वार घोषणा गरिँदै छ । यो समाचार नेपाल समाचारपत्र दैनिकमा छ ।