काठमाडौँ। पछिल्लो २४ घण्टामा नेपालमा थप १० हजार ३१९ जनामा कोरोना सङ्क्रमण पुष्टि भएको छ । स्वास्थ्य तथा मन्त्रालयका अनुसार पछिल्लो २४ घण्टामा पीसीआर विधिबाट १६ हजार ६५४ र एन्टिजेन विधिबाट ४ हजार ४५७ जनामा परीक्षण गर्दा जम्मा १० हजार ३१९ जनामा कोरोना संक्रमण देखिएको हो । यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ९ लाख १८ हजार ४४८ र एन्टिजेन विधिबाट भएको परीक्षणमा १ लाख १५ हजार १७८ जना पुगेको छ।

यस्तै, पछिल्लो २४ घण्टामा थप २ हजार ५४० जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख २४ हजार २३९ जना पुगेको छ ।

यसैगरी पछिल्लो २४ घण्टामा संक्रमणबाट थप ४ जनाको मृत्यु भएको जानकारी छ । नेपालमा कोरोनाबाट ज्यान गुमाउनेको कुल संख्या ११ हजार ६५९ पुगेको छ ।

हाल देशभर सक्रिय संक्रमितको संख्या ८२ हजार ५५० रहेको छ ।