मानिसहरु आफ्नो जन्मदिनलाई निकै ठूलो घटनाको रुपमा लिँदै आफू जन्मेको दिनलाई विशेष दिनको रुपमा मनाउने प्रचलन आज संसार भरी नै चलेको छ । जन्मदिन मनाउन किन र कहाँबाट सुरु भयो भन्ने एकिन नभएपनि विश्वव्यापीरुपमा बढेको प्रविधिको विकासले एकले अर्कोको सिको गर्दै आज संसार भरी नै जन्मदिन मनाउने गरेको पाइन्छ ।

जन्मदिन मनाउने चलन आज एउटा संस्कृतिको रुपमा विकास भएको छ । पश्चिमी मुलुकहरुमा केक काटेर मनाइनेवाला जन्मदिन आज मानिसहरु अंगालिरहेका छन् । तर संसारका विविध जातिहरुमा जन्मदिन मनाउने संस्कार रहेको पाइएपनि उनीहरुको आआफ्नै तरिका रहेका छन् ।

मनाउने तरिका फरक भएपनि के साना, के ठूला सबैले आफ्नो जन्मदिन मनाएको पाइन्छ । तर जन्मदिन आफ्नै संस्कार अनुसार मनाएपनि मानिसहरु आज केक काट्नै पर्ने संस्कारमा जानुले आजको जन्मदिन मनाउने चलन मिश्रितखालको बन्न गएको छ ।

केही मानिसहरु कुनैपनि विशिष्ट व्यक्तिका जन्म दिन वा मृत्यु भएको दिनलाई स्मरणको रुपमा कार्यक्रम गरेर मनाउने गर्दै आइएको भएपनि आज भोलीका मानिसहरु त आफ्नो जन्मदिन आफै मनाइरहेका छन् ।

यसैबीच उत्तर कोरियाका राष्ट्र प्रमुख किम जोन उनको आज जन्मदिन परेको छ । उनको जन्म आजकै दिन १९८३ को जनवरी ६ तारिखका दिन भएको थियो । उत्तर कोरिया निर्माण भएपछि उनी त्यहाँका तेश्रो राष्ट्र प्रमुख हुन् । यसअघि कोरियामा उनका बाबु र बाजे राष्ट्र प्रमुख थिए ।

कम्युनिस्ट राज्य प्रणाली भएको देश र वंशाणुक्रम अनुसार राष्ट्र प्रमुख बन्ने प्रणाली भएका कारण उनीहरुलाई कम्युनिस्ट तानाशाह वा कम्युनिस्ट राजा भन्ने गरेको पनि सुनिन्छ । हालका नाती नेता उन सन् २०१२ देखि कोरियाको मजदुर पार्टीका प्रमुख नेता रहेका छन् । उनी संसारकै कान्छा राष्ट्रप्रमुख हुन् ।

उनी २८ वर्षको उमेरमा राष्ट्रप्रमुख बनेका थिए । उनले उत्तर कोरियामा कम्प्युटर साइन्स पढेका थिए । कोरियाको किम इल सुङ युनिभर्सिटीबाट भौतिक शास्त्र र किम इल सुङ मिलिटरी एकेडेमीबाट सैन्य शास्त्रमा गरी दुई विषयमा स्नातकोत्तर गरेका छन् । नेता उनसँग कोरियाली सैनिकको बन्दुकको साटो डायरी र कलम हुने गरेको छ ।

भनिन्छ, उनका साथमा रहने सैनिकहरु सबैले उनले बोलेका कुरा डायरीमा अनिवार्य रुपमा टिप्ने गर्छन् । किम जोङले स्वीटजरल्याण्डको जर्मन स्कूलमा अध्ययन गरेका हुन् । सन् १९९६ बाट २००० सम्म किमको पढाइ यूरोपमा भएको थियो । सुरुवातबाटै उन आफ्नी आमाकी बहिनी (सानी आमा)का साथ रहेका थिए भनिन्छ । सन् १९९८ मा सानीआमा अमेरिका गइन् र नाम परिवर्तन गरिन् ।

द वासिङ्टन पोस्टसँगको अन्तरवार्तामा उनकी सानी आमा यङ सकले बालक किम समस्या उत्पन्न गर्ने बालक नभएको तर उनी चकचके भने भएको बताएकी छिन् ।

सुरुमा किमसँगै पढ्ने साथीहरुले उनलाई दूतावासमा काम गर्ने कुनै कर्मचारीको छोरा भएको अड्कल गरेका थिए ।