☰
काठमाडौं । आजदेखि काठमाडौं उपत्यकाका धारामा मेलम्चीको पानी पुनः वितरण गर्न लागिएको छ ।
गत असार १७ गतेबाट वितरण बन्द गरिएको मेलम्चीको पानीआजदेखि पुनः वितरण गरिने भएको हो ।
खानेपानीमन्त्री उमाकान्त चौधरीले शुक्रबार बिहान महाँकालस्थित काठमाडौँ उपत्यका खानेपानी लिमिटेडको वितरण केन्द्रको साँचो खोलेर पानी छोड्ने जनाइएको छ ।
मेलम्ची खानेपानी आयोजनाका कार्यकारी निर्देशक कमलराज श्रेष्ठका अनुसार सुन्दरीजल प्रशोधन केन्द्रबाट बिहीबार काठमाडौँ भण्डार केन्द्रका लागि पानी छोडिएको छ । उनले यसपटक लगातार कम्तीमा छ महिना पानी वितरण गरिने जानकारी दिए ।
