काठमाडौं ।देशभर थप २६९ जनामा कोरोना भाइरसको संक्रमण पुष्टि भएको छ।

पछिल्लो २४ घण्टामा थप २६९ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो।

३ हजार ५५७ को परीक्षण गर्दा सो संख्यामा संक्रमित थपिएका हुन्। १७३२ जनाको पिसिआर परीक्षण गर्दा १८० र १ हजार ८ सय २५ जनाको परीक्षण गर्दा ८९ जनामा संक्रमण पुष्टि भएको हो।

२१५ जना संक्रमित निको भएर अस्पतालबाट डिस्चार्ज समेत भएका छन्।

यसको संक्रमणबाट एक जनाको मृत्यु भएको छ भने ३ हजार १ सय ५८ जना सक्रिय संक्रमित छन्।