काठमाडौँ। नेपाली बजारमा सोमबार सुनको मूल्य बढेको छ। आज छापावाल सुन प्रतितोला ९१ हजार ३०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। दशैंअघि गत असोज २५ गते प्रतितोला ९० हजार ६०० रुपैयाँमा कारोबार भएको थियो।

यस्तै आज तेजाबी सुन प्रतितोला ९० हजार ८०० रुपैयाँमा कारोबार भइरहेको छ। यसअघि प्रतितोला ९० हजार १५० रुपैयाँमा कारोबार भएको थियो।

यसैगरी चाँदीको आजको कारोबार मूल्य प्रतितोला एक हजार २२५ रुपैयाँ तोकेको छ। चाँदी गत सोमबार प्रतितोला एक हजार १८० रुपैयाँमा कारोबार भएको थियो।