काठमाडौँ। नेपाली बजारमा बुधबार पनि सुनको मूल्यमा सामान्य गिरावट देखिएको छ। नेपाल सुनचाँदी व्यवसायी महासंघका अनुसार आज छापावाला सुन तोलामा १ सय रुपैयाँले घटेर प्रतितोला ८८ हजार ९ सय रुपैयाँमा कारोबार भइरहेको छ।

यस्तै, तेजावी सुन पनि तोलामा १ सय रुपैयाँ घटेर प्रतितोला ८८ हजार ४ सय ५० रुपैयाँमा कारोबार भइरहेको छ।

यसैगरी बुधबार चाँदीको मूल्य भने स्थिर रहेको छ। आज चाँदी प्रतितोला १ हजार १ सय ५५ रुपैयाँमा कारोबार भइरहेको महासंघले जनाएको छ।