काठमाडौँ। नेपाली बजारमा शुक्रबार सुनचाँदीको मूल्य बढेको छ । बिहिबार प्रतितोला ९० हजार ८ सय रुपैयाँमा कारोबार भैरहेको छापावाला सुन शुक्रबार तोलामा ४ सय रुपैयाँले बढेर ९१ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै तेजावी सुनको मूल्य प्रतितोला ९० हजार ७ सय रुपैयाँ रहेको छ ।

यसैगरी आज चाँदीको मूल्य पनि बढेको छ । शुक्रबार चाँदी तोलामा १५ रुपैयाँले बढेर १ हजार १९५ रुपैयाँमा कारोबार भइरहेको  महासंघले जनाएको छ ।