किरणबाबु पुनको शब्द सिर्जना र संगीत रहेको गीत ‘पिपलु र बर’को म्युजिक भिडियो सार्वजनिक भएको छ । नयाँ वर्षको अवसर पारेर वैशाख १ गते सार्वजनिक गरिएको सो गीतमा नन्दबहादुर सिंह र जुनु रिजाल काफ्लेको स्वर रहेको छ ।

शंकरा डिजिटल रेर्कर्डिङ्ग स्टुडियोमा रेकर्ड गरिएको सो गीतलाई सागर पुनले रेकर्ड गरेका छन् भने कुमारसानु पुनले मिक्सिङ्ग गरेका छन् । शंकर कोइराला र काजी लिम्बूले निर्देशन गरेको सो गीतको भिडियोको नृत्य निर्देशन साइमोन राजवंशीले गरेका छन् ।

चर्चित मोडल सृष्टी खड्का र सन्देश श्रेष्ठको अभिनय तथा रोमान्स रहेको उक्त गीतको भिडियोका दृश्यलाई उत्सव दाहालले क्यामरामा कैद गरेका छन् । गोदावरी भिलेज रिसोर्ट र पानस पार्टी भेन्युमा सुटिंङ भएको गीतको भिडियो विकास दाहालले सम्पादन गरेका छन् । हाइलाइट्स नेपालको च्यानलबाट भिडियोलाई सार्वजनिक गरिएको छ ।

हेरौं भिडियो ⇓