प्रायः सधैजसो तीजका अवसरमा आफ्नो गीतीकोशेली लिएर आउने गरेकी अञ्जु श्रेष्ठले यसपाली पनि तिजको कोशेली ‘एक बर्षमा एक चोटी’ ………लिएर आएकी छिन् । तीज पर्वलाई मान्यता दिँदै उनले हरेक बर्ष तीजको कोशेली लिएर आउने गरेकी हुन् ।

यसपालीको तीज गीत ल्याउने बेलामा तयारी गर्दैगर्दा रसुवामा बाढी गएपछि उनी पनि सम्हालिन सकिनन् । तयारी भैसकेको र सुटिङ समेत भैसकेको र खर्च समेत भएको अवस्थामा गीत यत्तिकै थन्काएर राख्ने पनि कुरा भएन । यहि बाध्यताका बिचमा उनले तीज गीत लिएर आएकी बताएकी छन् ।

आफ्नो स्वरमा उनले आफै छमछमी गरेकी छिन् । उनलाई डिम्पल नगरकोटीले छमछमी नाच्दै साथ दिएकी छिन् । भिडियोको कोरीयोग्राफी एवं निर्देशन भने मौसम हिमालीले गरेका छन् ।

गीतको निर्माता गंगामाया श्रेष्ठ हुन् भने भिडियो छायांकन दिनेश पराजुलीले गरेका छन् । मनोज कार्कीले कलर र सम्पादन गरेका छन् भने श्रृंगार संगीता मिजारको रहेको छ ।

एक बर्षमा एक चोटीको शब्द दीपक शर्मा र निसान साउदले लेखेका छन् भने स्वयम दीपक शर्माले संगीत दीएका छन् । नरेन्द्र वियोगीले मिक्सिङ एवं मास्टरीङ गरेका छन् ।

देशको संवेदनशिल अवस्थामा आफू पनि संवेदनशिल भएको उनले बताइन् । बाध्यता एवं विशेष परिस्थितिका कारण गीत बजारमा ल्याएको उनले बताइन् । आफूलाई साथ दिन पनि उनले आग्रह गरिन् ।