काठमाडौँ। देशभर थप १७६ जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो चौबीस घण्टामा तीन हजार ४५६ जनाको पीसीआर परीक्षण गरिएकोमा १७६ जनामा सङ्क्रमण पुष्टि स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको कुल संख्या दुई लाख ७७ हजार ९४४ पुगेको छ । त्यस्तै देशभर सक्रिय संक्रमितको संख्या १ हजार ६७२ रहेको छ ।

यस्तै पछिल्लो २४ घण्टामा ११७ जना निको भएर फर्किएका छन्। योसँगै नेपालमा कोरोनाबाट निको हुनेको संख्या दुई लाख ७३ हजार २४० पुगेको छ ।

यसैगरी पछिल्लो २४ घण्टामा कुनै पनि संक्रमतिको मृत्यु भएको छैन । नेपालमा कोरोना संक्रमणबाट हालसम्म ३ हजार ३२ जनाको मृत्यु भएको छ ।