काठमाडौं, देशभर थप १ सय ४५ जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो २४ घण्टामा ३ हजार ९६३ जनाको कोरोना परीक्षण गरिएकोमा थप १४५ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा संक्रमितको कुल संख्या २ लाख ७६ हजार ३८९ पुगेको छ । त्यस्तै देशभर सक्रिय संक्रमितहरुको संख्या १ हजार १ सय ८२ रहेको छ ।

यस्तै पछिल्लो २४ घण्टामा देशभर ९० जना निको भएर घर फर्किएका छन् । यो सँगै नेपालमा निको हुनेहरुको कुल संख्या २ लाख ७२ हजार १८७ पुगेको छ ।

यसैगरी पछिल्लो २४ घण्टामा थप १ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ३ हजार २० पुगेको छ ।