काठमाडौं । देशभर थप १५० जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो २४ घण्टामा चार हजार ४७२ जनाको स्वास्थ्य परीक्षण गरिएकोमा १५० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस सङ्क्रमितको संख्या दुई लाख ७६ हजार ५६ पुगेको छ । यस्तै देशभर सक्रिय संक्रमितहरुको संख्या १ हजार १७ रहेको छ ।

यस्तै पछिल्लो २४ घण्टामा देशभर ९९ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ७२ हजार २० पुगेको छ ।

यसैगरी पछिल्लो २४ घण्टामा ३ संक्रमितको मृत्यु भएको छ। हालसम्म नेपालमा कोरोना संक्रमणबाट मृत्यु हुनेको संख्या ३ हजार १९ पुगेको छ ।