काठमाडौं । संयुक्त राज्य अमेरिकाका राष्ट्रपति जो बाइडेन हवाइजहाज चढ्दा चिप्लिएको भिडियो सामाजिक संजालहरुमा सार्वजनिक भएको छ । सार्वजनिक भएको भिडियोमा राष्ट्रपति बाइडेन हवाईजहाजको सिंढी चढ्दै गर्दा चिप्लिएको देखिएको छ ।

जहाज चढ्दा उनी एकचोटी चिप्लिन्छन्, सिंढीमा के भो भनेर हेर्दा फेरि चिप्लिन्छन्, अनि सम्हालिन खोज्दा खोज्दै उनी फेरि चिप्लिन्छन् । यसरी तीनचोटी चिप्लिएपछि घुँडा अगाडीको हड्डी सम्सुम्याउँदै उनी सिंढी उक्लिन्छन् । सिंढीको रेलिङ् समातेर माथि उक्लन खोज्दै गर्दा उनी अकस्मात चिप्लिएपनि आफै सम्हालिएर माथि चढ्छन् । जहाजको ढोकैमा पुगेपछि हात हल्लाउँदै उनस् जहाजभित्र प्रवेश गर्छन् ।

उनी सिंढीमा चिप्लिएको भिडियो सार्वजनिक भएसँगै राष्ट्रपति बिरामी पो हुन् कि भन्ने आशंका कतिपयले गरेका थिए तर राष्ट्रपति कार्यालयका प्रेस सेक्रेटरी करिन जीन- पियरेले उनी पुरै स्वस्थ्य रहेको जानकारी दिएकी छिन् । सिंढीमा हिंड्दा खुट्टाको कदम यताउता भएको कारण राष्ट्रपतिलाई त्यस्तो भएको उनले बताइन् ।

समाचारहरुका अनुसार राष्ट्रपति बाइडेन एशियाली अमेरिकी समुदायका नेतासँग भेट गर्न एटलान्टाको भ्रमणमा जाँदै थिए । एटलान्टा जाँदा एयरफोर्स वनको सिंढी चढ्दै गर्दा उनी चिप्लिएका हुन् ।

WATCH: Biden falls three times trying to climb the stairs to board Air Force One pic.twitter.com/IfDUjLPQB4

— Breaking911 (@Breaking911) March 19, 2021