काठमाडौँ । नेपाली सांगितिक क्षेत्रमा अहिले केकी अधिकारी अभिनित ‘सुनसान मन’ ले भूइँचालो ल्याइरहेको छ । गायिका रानी शाक्यको स्वर, राजेश शाक्यको शब्द तथा ओम कर्माचार्यको संगीत रहेको उक्त गीतले दिन प्रतिदिन निकै चर्चा कमाउँदै गैरहेको छ ।

गीतको भिडियोमा फरक तरिकाले प्रस्तुत भएकी अभिनेत्री केकी अधिकारीको सौम्य अभिनय रहेको छ । गायिका रानी शाक्य पनि यो गीत अनुरुपको अभिनयबाट निकै सन्तुष्ट छिन् ।

नेपाली सिने जगतमा कमै मात्र समेटिने स्वास्थ्य कर्मीको कथा यो भिडियोमा निकै मार्मिक रुपमा अभिव्यक्त भएको छ । कोरोनाको कहरमा अग्रपङ्क्तिमा लडाइँ लडिरहेका स्वास्थ्यकर्मीको कथालाई लिएर भिजुअल स्वरुप दिने काम भने फिल्म निर्देशक मदन घिमिरेले गरेका हुन् ।