काठमाडौं, देशभर थप ११२ जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो २४ घण्टामा ३ हजार ४११ जनाको कोरोना परीक्षण गरिएकोमा थप ११२ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालले जनाएको छ। योसँगै नेपालमा संक्रमितको कुल संख्या २ लाख ७३ हजार ८७२ पुगेको छ । त्यस्तै देशभर सक्रिय संक्रमितहरुको संख्या ७ सय ७० रहेको छ ।

यस्तै पछिल्लो २४ घण्टामा देशभर ८४ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ७० हजार २२३ पुगेको छ ।

यसगरी पछिल्लो २४ घण्टामा थप १ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या २ हजार ७ सय ६७ पुगेको छ ।