☰
काठमाडौँ । इरानले खाडी क्षेत्रमा आफूले अमेरिकी तेल ट्यांकरमाथि आक्रमण गरेको दाबी गरेको छ । इरानको इस्लामिक रिभोलुसनरी गार्ड कोर्प्स (आईआरजीसी)ले विज्ञप्ति जारी गर्दै उत्तरी फारस खाडीमा अमेरिकी ध्वजाबाहक एक तेल ट्यांकरमाथि आक्रमण गरेको दाबी गरेको हो ।
युद्धको अवस्थामा होर्मुज जलडमरूको नियन्त्रण इरानको अधिकारभित्र रहेको र अमेरिकी, इजरायली, युरोपेली तथा उनीहरूका सहयोगी देशका जहाजहरूलाई अनुमति नदिइने चेतावनी आईआरजीसीले दोहोर्याएको छ ।
यो घटनाले खाडी क्षेत्रको तनाव अझ बढाउने संकेत दिएको छ । गत शनिबारदेखि सुरू भएको इजरायल-अमेरिका र इरानबिचको युद्धका कारण हालसम्म १ हजार ४५ जनाको मृत्यु भएको अन्तर्राष्ट्रिय सञ्चारमाध्यमहरूले जनाएका छन् ।
