इजरायल । इजरायली सेनाले गाजामाथिको आक्रमणलाई निरन्तरता दिएको छ। पछिल्लो आक्रमणमा १४ जनाको ज्यान गएको छ। यसरी ज्यान गुमाउनेमा बच्चा र अहली अरब अस्पतालका चिकित्सकसमेत छन्।

बेइत हानोनमा राहत कार्यक्रम वितरणमा अवरोध नगर्न गरिएको बारम्बारको अनुरोधलाई समेत इजरायलले अस्वीकार गरेको आरोप संयुक्त राष्ट्र संघले लगाएको छ ।

हानोन, बेहत लाहिया र जाबालियामा ७० दिनदेखि इजरायलको पकड छ। प्यालेस्टाइनी अथुरिटीले पनि जेनिन शरणार्थी शिविरमा बारम्बार छापा मारेको छ। यसैगरी मगाय शरणार्थी शिविरमा भएको आक्रमणमा दुई जनाको ज्यान गएको छ।

हिजबुल्लाहसँग युद्ध विराम भए पनि गाजामा युद्ध गरी रहेको इजरायलमाथि अहिले यमनमाथि समेत आक्रमण हुन थालेको छ, यमनबाट आएको एक मिसाइल निस्तेज मारिएको इजरायली सेनाले जनाएको छ। यमनको हाउथी समूहले ‘प्यालेस्टाइनी २’ नामक मिसाइल प्रहार गरेको जनाएको हो। हाउथीले इजरायलमा गाजामा आक्रमण जारी राखेका कारण सो आक्रमण गरेको बताएको छ।

यसैबीच अमेरिकी सेक्रेटरी अफ स्टेट एन्टोनी ब्लिन्केनले २० जनवरीमा नयाँ प्रशासनको उपस्थिति अगावै हमास र इजरायलको बिचमा युद्ध विराम भइसक्ने कुरामा विश्वास व्यक्त गरेका छन्।