काठमाडौँ । १९औँ एसियाली खेलकुदको क्रिकेटमा आज नेपाल र भारतबीच प्रतिस्पर्धा भइरहेको छ ।

चीनको हाङझाउस्थित झेजिङ युनिभर्सिटी अफ टेक्नोलोजी क्रिकेट मैदानमा जारी खेलमा भारतले टस जितेर ब्याटिङ रोजेपछि नेपालले फिल्डिङ गरिरहेको छ ।

भारतका कप्तान ऋतुराज गायकवाडले टस जितेर ब्याटिङ गर्ने निर्णय लिएपछि नेपालले बलिङ गरेको हो ।

नेपाल र भारतले यसअघि एसिया कप क्रिकेटमा एक दिवसीय खेल खेलेका थिए । जसमा नेपाल पराजित भएको थियो ।