☰
एजेन्सी । स्पेनिस ला-लिगामा रियल मड्रिडले सानदार जित निकालेको छ। शनिबार राति भएको खेलमा मड्रिडले अल्मारियालाई ३-१ गोल अन्तरले हरायो।
खेलको तीन मिनेटमै अल्मारियाले अग्रता लिए पनि त्यसलाई जोगाउन नसक्दा हार ब्यहोर्यो। खेलेको तेस्रो मिनेटमा एरिबासले गोल गर्दै अल्मारियालाई अग्रता दिलाएका थिए। तर १९औं मिनेटमा युवा खेलाडी बेलिङ्घमले गोल गरेपछि खेल बराबरीमा आयो।
दोस्रो हाफको ६०औं मिनेटमा टोनी क्रुसको पासमा पुन बेलिङ्घमले गोल गरेपछि मड्रिड २-१ गोल अन्तरले अगाडि आयो। बेलिङ्घमकै पासमा ७३औं मिनेटमा भिनिसियस जुनियरले गोल गरेपछि मड्रिडले ३-१ को नतिजा निकाल्यो।
योसँगै ला-लिगाका अन्य खेलमा एथ्लेटिक बिल्बाओले ओसासुनलाई २-० ले हरायो। अर्को खेलमा सेल्टा भिगो र रियल सोसिडाडले १-१ को बराबरी खेल्दै अंक बाँडे। उता भ्यालेन्सियालले लस पाल्मसलाई १-० ले हराउँदै ३ अंक जोड्यो।
