काठमाडौं । इंग्लिस प्रिमियर लिग फुटबलमा टोटनहाम र लिभरपुल विजयी भएका छन्। शनिबार राति भएको खेलमा टोटनहामले बलियो प्रतिस्पर्धी म्यानचेस्टर युनाइटेडलाई २-० गोल अन्तरले हरायो।

पहिलो हाफ गोलरहित बराबरीमा सकिएकोमा दोस्रो हाफा २ गोल गर्दै टोटनहामले महत्वपूर्ण जित निकाल्यो। दोस्रो हाफको ४९औं मिनेटमा पेप माटर साराले गोल गर्दै टोटनहामलाई अग्रता दिलाएका थिए। खेलको अन्त्यतिर ८३ औं मिनेटमा लि मार्टिनेजले आफ्नै पोस्टमा आत्मघाती गोल गरेपछि टोटनहाम २-० ले विजयी भयो।

अर्को खेलमा लिभपुरलले बोर्नमाउथमाथि ३-१ को जित निकाल्यो। खेलको तेस्रो मिनेटमै एन्टोनी सिमिनोले गोल गर्दै बोर्नमाउथलाई अग्रता दिलाएका थिए। तर २८औं मिनेटमा लुइस डियाचले गोल गरेपछि खेल १-१ को बराबरीमा आयो।

३६औं मिनेटमा लिभरपुलले पाएको पेनाल्टी मोहमद सलाहाले प्रहार गरेका थिए। उक्त पेनाल्टी गोलरक्षकले पन्च गर्दै बाउन्स भएको बलमा सलाहाले नै गोल गर्दै लिभरपुललाई २-१ को स्थितिमा ल्याएका थिए। ६२औं मिनेटमा जोटाले अर्को गोल गरेपछि लिभरपुल ३-१ ले विजयी भयो।

अन्य खेलमा ब्रेनफोर्डले फुलहामलाई ३-० ले हारायो। नटिङ्घमले सिफ युनाइटेडलाई २-१ गोलले हरायो। ब्राइटनले वुल्भ्सलाई ४-१ ले हरायो।