काठमाडौं । श्रीलंकामा जारी एसीसी इमर्जिङ टिम्स एसिया कपमा भारत ए विरुद्ध टस जितेर ब्याटिङ सुरु गरेको नेपालले खराब सुरुवात गरेको छ। नेपालका लागि ओपनिङ ब्याट्सम्यान कुशल भुर्तेल शून्य रनमा आउट भएका छन्।

डे-नाइट खेल कोलोम्बोस्थित आर प्रेमदासा स्टेडियममा सुरु भएको छ। समूह बीमा रहेको नेपाल पहिलो खेलमा कमजोर ब्याटिङ गर्दा पाकिस्तान एसँग ४ विकेटले पराजित भएको थियो। भारत एले पहिलो खेलमा यूएई एलाई पराजित गरेको छ।

रोहित पौडेलको कप्तानीमा रहेको नेपालको सिनियर टोलीले नै इमर्जिङ कप खेले पनि एसिया कपअघि यसलाई तयारीको रुपमा हेरेको छ।