काठमाडौं । इटालियन सिरी ए फुटबलमा युभेन्ट्स पराजित भएको छ। आइतबार राति भएको खेलमा घरेलु टोली सासोउलोसँग १-० गोल अन्तरले पराजित भयो।

सासोउलोको जितमा ग्रेगोइरे डिफ्रिलले निर्णायक गोल गरे। दोस्रो हाफमा एन्ड्रिया पिनामोन्टीको स्थानमा मैदान छिरेका ग्रेगोइरेले ६४औं मिनेटमा गोल गरेका थिए।

युभेन्ट्सलाई हराएको सासोउलो ३० खेलबाट ४० अंक जोडेर १०औं स्थानमा छ। ३० खेलबाटै ४४ अंक जोडेको युभेन्ट्स तालिकाको सातौं स्थानमा छ।