काठमाडौँ। तीन निर्वाचन क्षेत्रमा हुने उप निर्वाचनमा उम्मेदवार छान्न नेकपा एमालेले केन्द्रीय सचिवालय बैठक बोलाएको छ ।

उपमहासचिव विष्णु रिमालले पार्टी केन्द्रीय कार्यालय च्यासलमा बैठक बस्न लागेको जानकारी दिए । उनले उम्मेदवार छनोट लगायत समसामयिक विषय छलफलका एजेन्डा रहेको बताए । बैशाख १० गते चितवन २, बारा २ र तनहुँ १ मा उपनिर्वाचन हुँदैछ ।

एमालेले चितवनमा जिल्ला अध्यक्ष रामप्रसाद न्यौपाने र तनहुँ १ मा सर्वेन्द्र खनाल उठाउने लगभग निश्चित छ । बारा १ बाट भने एमालेले कसलाई उठाउने भन्ने सचिवालय बैठकले निर्णय गर्ने बुझिएको छ । उपनिर्वाचनका लागि चैत २० गते उम्मेदवारी मनोनयन गर्ने कार्यसूची रहेको छ ।