काठमाडौँ। कोरोना भाइरसको सङ्क्रमण बढिरहेकाले नआत्तिकन जनस्वास्थ्यका मापदण्ड पालना गर्न स्वास्थ्य मन्त्रालयले अनुरोध गरेको छ ।

यो हप्ताको पसहिलो दिनदेखि नै संक्रमण सुरु भएको बताइएको हो । आइतवार १६ जना, सोमवार ६९ जना , मङ्गलवार २४ जना र हिजो बुधवार ३४ जनामा सङ्क्रमण पुष्टि भएको र अहिले देशभर कोरोनाका १ सय ३ जना सक्रिय सङ्क्रमित रहेका मन्त्रालयले जनाएको छ ।

कोरोना भाइरसको सङ्क्रमण कम भएसँगै धेरैजसोले जनस्वास्थ्यका मापदण्ड पालना गर्न छोडेका छन् । यसले गर्दा सङ्क्रमण फैलिने जोखिम उच्च छ ।

सङ्क्रमण फैलिरहेको यो अवस्थालाई सामान्य रुपमा नलिन पनि स्वास्थ्य मन्त्रालयको आग्रह छ । कोरोना भाइरसको जोखिम फेरि बढेसँगै मन्त्रालयले समुदायमा निगरानी बढाएको छ ।