एजेन्सी । पेरिस सेन्ट जर्मन(पिएसजी) का ब्राजिलियन फरवार्ड नेयमारले सन् २०२६ को विश्वकप खेल्ने संकेत गरेका छन् ।

विश्वकप सम्पन्न भएको दुई महिनापछि नेइमारले २०२६ को विश्वकप ब्राजिलबाट खेलदै उपाधि जित्ने सपना रहेको बताए ।

‘म अझै ब्राजिलबाट खेल्नेछु,’नेइमारले टिएनटी स्पोर्टससँग भने, ‘विश्वकप जित्ने मेरो पनि ठुलो सपना छ ।’ उनले मेस्सीलाई प्रेरणाको स्रोत मानेका छन् । ‘मेसी सधैँ प्रेरणाको स्रोत हुन् ’, नेइमारले भने,‘मेसीले सधैँ सहयोग र प्रोत्साहन गर्छन् । मैले पनि ३४ वर्षको उमेरमा विश्वकप जित्ने लक्ष्य राखेको छु ।’

३१ वर्षीय नेइमारले सन् २०२२ को विश्वकप नै अन्तिम हुन सक्ने बताएका थिए । ब्राजिल कतार विश्वकपमा क्रोसियासँग पेनाल्टी सुटआउटमा स्तब्ध बन्दै क्वार्टरफाइनलबाट बाहिरिएको थियो । त्यती बेला उनले संन्यास लिन सक्ने संकेत गरेका थिए ।