काठमाडौं । राष्ट्रिय क्रिकेट खेलाडी आदिल अन्सारी पक्राउ परेका छन् । उनलाई प्रहरीले सप्तरीबाट पक्राउ गरेको हो । केन्द्रीय अनुसन्धान ब्यूरोको निर्देशनमा उनलाई पक्राउ गरिएको जिल्ला प्रहरी कार्यालय सप्तरीका एकजना अधिकृतले बताए ।

नेपाल टी–ट्वान्टी लिग क्रिकेटको ‘स्पट फिक्सिङ’मा अन्सरी संलग्न रहेको सिआईबीको निष्कर्ष छ । ब्यूरोका एसपी सञ्जयसिंह थापा नेतृत्वको टोलीले स्पट फिक्सिङबारे छानबिन गरेको थियो । सो समितिको सिफारिका आधारमा उनलाई पक्राउ गरिएको हो ।

आजै बिराटनगर बसपार्कबाट प्रहरीले पूर्वराष्ट्रिय क्रिकेट खेलाडी मेहबुव आलमलाई पनि पक्राउ गरिसकेको छ । उनीहरु दुवैलाई काठमाडौँ ल्याउने तयारी छ ।