काठमाडौं । नेकपा एमाले बाजुराले सबै स्थानीय तहमा उम्मेदवार छनौट गरेको छ । पाँच वटा गाउँपालिका र चार वटा नगरपालिका रहेको जिल्लामा पार्टीले सबै तहमा उम्मेदवार टुंग्याएको हो ।

पार्टीले बडिमालिका नगरपालिकामा मेयरमा अमर खड्का र उपमेयरमा नन्दा थापालाई चुनेको छ । त्यस्तै, बुढिनन्द नगरपालिकामा मेयरमा जनककुमार बोहरा र उपमेयरमा मनु रोकाया बिसीलाई सिफारिस गरेको छ।

बुढिगङ्गा नगरपालिकामा मेयरमा रामबहादुर बानियाँ र उपमेयरमा माया कुँवरलाई अगाडी सारेको छ । त्रिबेणी नगरपालिकामा मेयरमा मोतिसिङ बुढा र उपमेयरमा पार्बतीदेबि बुढा उठ्नेछन् ।

गौमुल गाउपालिकामा अध्यक्ष हरिबहादुर रोकाया र उपाध्यक्षमा सीता थापा उठाएको छ। जगन्नाथ गाउँपालिकामा अध्यक्ष कालीबहादुर शाही र उपाध्यक्षमा मरुकला बिष्टलाई उठाएको छ।

हिमाली गाउँपालिकामा अध्यक्षमा अजबहादुर मल्ल र उपाध्यक्षमा राजकला सार्कीलाई उठाएको एमालले स्वामिकार्तिक गाउँपालिकामा चतुरभुज शाही र सुलोचना भण्डारी बुढालाई उम्मेदवार बनाएको छ। त्यसैगरी, खप्तड छेडेदह गाउँपालिका अध्यक्षमा दिलबहादुर रावत र उपाध्यक्षमा मनदेबी ओलीलाई अगाडि सारेको छ।