काठमाडौँ। साताको पाँचौं कारोबार दिन बिहीबार नेपाली बजारमा सुनको मूल्यमा सामान्य वृद्धि भएको छ। बुधबार ९८ हजार ८ सय रुपैयाँमा कारोबार भएको छापावाल सुन आज बिहीबार तोलामा १ सय रुपैयाँले बढेर प्रतितोला  ९८ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्य प्रतितोला ९८ हजार ४ सय रुपैयाँमा कारोबार भइरहेको छ ।

यसैगरी बिहीबार चाँदीको मूल्य भने घटेको छ। आज चाँदी तोलामा १० रुपैयाँले घटेर प्रतितोला १ हजार ३ सय ५० रुपैयाँमा कारोबार भइरहेको महासंघले जनाएको छ ।