काठमाडौँ। झापाको मेचीनगर नगरपालिका वडा नम्बर १४ दुहागढीमा रहेको मगमग चाउचाउ उद्योगमा लागेको आगो अझै नियन्त्रणमा आउन सकेको छैन।

शनिबार बिहान पाँच बजेदेखि देखिएको आगो नियन्त्रण प्रयास जारी रहेको र अहिले करिब दुई दर्जन दमकल परिचालन गरिएको छ जिल्ला प्रहरी कार्यालय झापाले जनाएको छ।

अहिले दमकलको सहयोगमा सुरक्षकर्मी र स्थानीय बासिन्दाले आगो निभाउने प्रयास गरिरहेका छन् ।

उद्योगमा प्लाष्टिकको मात्रा धेरै भएकाले आगो निभाउन गाह्रो भइरहेको बताइएको छ।

आगो निभाउने प्रयास भइरहेकाले क्षतिको विवरण आउन भने बाँकी छ।

बिजुली सर्ट भएर आगो लागेको हुनसक्ने प्रहरीको अनुमान छ ।