काठमाडौं । देशभर थप १ हजार ३६९ जनामा कोरोना सङ्क्रमण पुष्टि भएको छ । पछिल्लो २४ घण्टामा ८ हजार ८८० जनाको आरटी–पीसीआर विधिबाट परीक्षण गर्दा १ हजार १३ जना र ३ हजार जनाको एन्टिजेन विधिबाट परीक्षण गर्दा ३ सय ५६ जना गरी जम्मा १३६९ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको कुल संख्या ११ लाख ०७ हजार ९८६ पुगेको छ ।

यस्तै पछिल्लो २४ घण्टामा देशभर २ हजार २३८ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ३० हजार ६०७ पुगेको छ ।

पछिल्लो २४ घण्टामा देशभर ११ हजार ८८० जनाको परीक्षण हुँदा हालसम्म कुल ६३ लाख १९ हजार ६७६ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण १२ को मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ८६४ पुगेको छ ।

हाल नेपालमा २९ हजार ४ जना सक्रिय संक्रमितहरु रहेका छन् ।