☰
काठमाडौं । गत बुधबार तमिलनाडुमा भएको हेलिकप्टर दुर्घटनामा परी घाइते भएका भारतीय वायु सेनाका ग्रुप क्याप्टेन वरुण सिंहको निधन भएको छ ।
हेलिकप्टर दुर्घटनामा परी गम्भीर घाइते भएका सिंहको उपचारका क्रममा बुधबार निधन भएको हो ।
डिसेम्बर ८ गते तमिलनाडुको कुनूर नजिकै भारतीय वायु सेनाको एमआई-१७भी५ हेलिकप्टर दुर्घटना हुँदा चिफ अफ डिफेन्स स्टाफ विपिन रावतसहित १३ जनाको घटनास्थलमै मृत्यु भएको थियो । उक्त दुर्घटनामा क्याप्टेन सिंह गम्भीर घाइते भएका थिए।
