काठमाडौं। नेकपाका महासचिव नेत्रविक्रम चन्द ‘विप्लव’ ले जनयुद्धको फल नेपाली कांग्रेसले उपरखुट्टी लगाएर खाईरहेको टिप्पणी गरेका छन् । आज काठमाडौंमा आयोजित पार्टीको पत्रकार सम्मेलनमा बोल्दै उनले यस्तो बताएका हुन् ।

उनले भने,‘जनयुद्धको फल चाँही नेपाली कांग्रेसले कुर्सीमा उपरखुट्टी लगाएर खाईरहेको छ । कांग्रेस त जेलमा थियो त, माधव नेपाल, यी केपी ओलीहरु सबै दुलाभित्र पसेका थिएनन् रु हामी हो नि युद्ध गर्ने त, हामी लड्ने माओवादीहरु चाही अपराधी जस्तो, शहीदहरु अपराधीजस्तो, हामी लड्छौं त्यहाँ । कहिले हुन्छ भन्दै हुनुहुन्छ नि पत्रकार ? यसपछि हुन्छ ।’

विप्लवले आफ्नो दल माफीया र दलालहरुको विरुद्धमा जाने पनि खुलासा गरे । उनले दलले मन्त्रीहरु पठाउने र मिडियाले पनि को मन्त्री बन्ने भन्नेमात्रै चर्चा गरेको सुनाए ।