कालिकोट । ‘एकीकृत समृद्धी बदालकोट ११ को आफ्नै पहिचान, साँस्कृतिक, खेलकूद सहितको सामाजिक सचेतनाको नौलो अभियान’ भन्ने मुल नाराका साथमा दसैँ–तिहार बृहत खुल्ला खेलकूद प्रतियोगिता तथा प्रथम इन्द्रराज स्मृति कप २०७८ खाँडाचक्र नगरपालिका–११ बदालकोटको रेंगील कालिकोटमा हुँदैछ ।

प्रतियोगिताहरुमा महिला पुरूष फुटबल, महिला–पुरूष भलिबल, देउडा दोहोरी, डोरी तान्ने, घैंटो फुटाउने, गुलेली निसाना, कुर्ची खेल र हिले फुटबल लगायतका खेलहरु हुने छन् । खेलकुद प्रतियोगिता आज कात्तिक ७ गते बाट सुरुवात भएको छ ।

कार्यक्रमको सभाअध्यक्ष रेंगील युनाइटेड क्लब फर सोसियल अवारनेस क्लबका अध्यक्ष नविन शाहीले गरे भने प्रमुख अतिथि यसै वडाका अध्यक्ष पुष्पराजा गिरी थिए भने विशेष अथितिमा धिर्जाकला बोम शाही, अथिति सूर्य शाही, तुलराजा शाही, खेमराज गिरी, अनिपाल शाही, लोकेन्द्रबहादुर शाही थिए ।